Derheqa terîqa (dîrok) kurda da êpêce lîtêratûr heye bi gelek zimanan. Miqabilî wê yekê hene ulimdar, mîsîonêr û merîyêd din, mesele, çawa Sonê îngilîs, Rîtêrê alman û yêd din, dibêjin, wekî lîtêratûra kurda kevin tune. Ewana rast nabêjin. Qurna pênca da destpêkirî, berî dewrana me heta niha êpêce edebîyeta terîqî û ya mayîn derheqa cimaeta kurda hatîye neşirkirin bi zimanêd erebî, kurdî, farizî, ûrisî, ermenî, almanî, îngilîzî, tirkî û yêd din. Terîqzanê kurda yê eyan Şeref-Êddîn (Şerefxan) qerna 16a terîqa kurda û şerê wan miqabilî zevtçîya (dagirker) nivîsiye. Navê kitêbê Şeref - nameye. Çawa bîblîografîya nîşan dide, hema Son bi xwe derheqa kurda, terîq, rabûn-rûniştina wana da êpêce xebatêd ulmî nivîsîne, hilbet ser nêta kolonîzatorîyê.
