Rêka kadiz pirre ji istêr û gerokên geş ku hêşta ronahîya wan li ber hegerên curbercur bi başî negiheştîye me û me ew nenasîne. Lê eger me bêhnekî fireh hebît û esman jî sahî bît, em bi hûrgilî li wê rêkê binêrrin, hindek çirûsk diyar diken ku bo çêtir dîtina wan hewceyî bi emrazên xasme xo heye. Hingê ye ku mirov pê dihesît ew çirûske jî istêr yan gerokekî geş e weke hemî istêr û gerokên dî, ku heta nihe me nedîtîye û ji ronahîya wê bê par mayne. Li mêjûya edeba kurdî da jî pirr zana, alim, helbestvan, nivîskar û... hene, ku wek istêrek geş diteysin, lê em li ronahîya wan bê behre mayne. Bo nasîna wan me hewceyî bi emrazên lêkolînê heye.
