Nivîs û lêkolînên Rohat Alakom ên li ser ermeniyan di kitêbeke bi navê "1915 Komkujiya Ermeniyan" hatin komkirin û di nav weşanên Avesta de çap bûn.
1915 Komkujiya Ermenan Îsal (2005) di ser komkujiya ermeniyan re tam sed sal derbas dibe. Sala 1915an saleke reş e ji bo ermeniyan. Ji milyonekê zêdetir ermenî ji erdên xwe hatin bi dûrxistin û bi darê zorê Anadoliyê hatin derxistin. Bi hezaran hatin kuştin di rê û çolan de mirin. Koka wan li Anadoliyê hate birînê. Îro dinê-alem zane û bi yekdengî dibêje ku di bûyera qirkirin û komkujiya ermeniyan de dewleta osmaniyan sucdar e. Hezên dewletê hêzên fermî ev plan biriye serî û derbasî pratîkê kiriye. Tenê Tirkiye dibêje na! Ev yeka jî bi eşkere nîşan dide ku kê ev kirinên qirêj pêk anîne. Berevajî tirkan kurd bi vê dîrokê re rûbirû dibin. Rohat Alakom di vê xebata xwe de çend rûpelên cihê ji wê dîroka tarî çend bûyerên balkêş ji wan salên êşê radixe ber çavan.
