Tanıtım Metni:
Tewırê efsane nasnameyê yo mileti ser zaf muhim o. Kulturê Zazayan dı zi tewırê efsane cayêko hira geno. Ino tewır ercanê maddi u manewi ê şarê Zazayan xu miyan dı pêser keno u wextê kalıkan ra fek bı fek bı vatış pa ercê şari resneno ma.
Seserra 19. ra pey dınya dı kulturê nuşteki zaf qıymet gırot. Ino dewr dı mileti mehsulê kulturo fekki yê xu ser cıgêrayi, ê etud kerdi u pê nuşteyi mehsulê fekki yê xu qeyd kerdi. Bı ıni xebatan ilmê folklori ame meydan. Sahaya folklori zi kulturê şari yo u qıymetê maddi u manewi ê şari dano şınasnayış. Miyanê Zazayan dı kulturê nuşteki zaf erey dest pêkerdo.
Xebata ma efsaneyanê Zazayanê Çoligi ser a u bı Zazaki xebata tor verin a. Ina xebat kultur u edebiyatê Zazayan ser xebata zaf bıqıymet a. Ina xebat dı efsaneyi arêdiyayi, etud biyi u hetê sembolizmo arketipi ra tehlil biyi. Bilhesa sembolizmo arketipi yê ıni efsaneyan miyanê edebiyat u kulturê dınya dı cayê kultur u edebiyatê Zazayan mocneno u tarixê insaniye dı rêça Zazayan nawneno.
