Hemd qê ê Homawo ki wı Rebbê cihoni yo. Selat u selam hebibê yi yê Kibriya Muhammed (s.a.s.) ser bu. Rehmet u bereketê Homayi, êyi ki ınê kıtabi woneni piyore mumin u bısılmonon ser bo. Meqsedê ınê kıtabi, wa şarê ma zonê xu dı duayon bıwono u fom bıkero. Hiviya ma
Homay ra ına wa, wa ıno kıtab ra istıfade bıbo u wa semedê yo ixtiyac bıbo cewabêk.
Homawo! Ina xebatêka bımbarek a, mesuliyetê yê zi zaf o, barêko gıron o; oncax pê izın u desturê tu biya temom.
Homawo! Eg xetayi ma vıraziyayi - ki ma beşer omeyi dınya, ma xeta ra xali niyi, muheqeq tay ya zi zaf xetayi ma esti - tı ma ef u meğfiret bıkeri. Tı ına dınya dı zi axiret dı zi ma şermızar nêkeri.
İlahi! Tı wendış u emel pêberdışê ıni duayon nesibê abdonê xu yê bısılmonon bıkeri. Riyê sinayê xu, qulonê xu yê bısılmonon rê ason u şirın keri.
Ina xebata ki mı ita dı kerda, ez kena xelaya dadi u babiyê xu. Heqê yin, emegê yin mı ser zaf o. Ez ına xebata xu kena xelaya hevala xu, yo umır ma piya berd. Hirayi u
tengasi dı ma piya wext viyarna. Ez xebata xu kena xelaya melayon u seydayonê ki ders daya ma u cahdeyê ma kerd rueşn. Komo ki qê wendışê ma ğeyret kerd, maişete ma tedarik kerd, komo ki ıno kıtab guret xu dest u wend Homa yin ra razi bu, ecr u sewabê yin bızêdno.
