Tanıtım Metni:
Tarixê nusiyayişê Zazaki zaf derg niyo. Esero verin ê Zazaki ser ra nızdiya se u hirıs serr viyerta; la mudeyêko derg eseri Zazaki nênusiyayi. Serranê 1990 ra pey eseri Zazaki zêdyayi. Ini eseri eğleb eseri edebi yi. Derheqê gramerê Zazaki dı zi hirıs serra peyin dı eseri nusiyayi. Ini eseran ra têkı goreyê yo diyalekta Zazaki biyi hedre têkı zi bınêna çarçiwayêka hira dı gramerê Zazaki ser vınderti; la gramerê Zazaki ser lazımo xebati bı teferruat u hirayi bıbi u heme mewzuyi gramerê Zazaki xuser analiz bıbi. Ina xebat zi pê ıno fıkır ameya meydan.
Ino eser dı bestoği ki Zazaki dı şıxuliyeni behsê inan beno. Zazaki, semedê sentaksê xu ra zaf cayan dı mecbura ki bestoğan bışıxulno. Heto bin ra Zazaki hetê nuştışi ra zaf eraver nêşiya u zıwanê nuştışi dı yo standart nêameyo meydan. Zê her zıwanê qıseykerdışi Zazaki dı zi feki, diyalekti esti. Inay ra fek ra fek, diyalekt ra diyalekt qey eyni mena u wezifeyi bestoği ciyayi şıxuliyeni. Ini hali zi Zazaki hetê bestoğan ra keni yo zıwano zengin. Wendoğ, ıno eser dı eşkeno bestoğanê heme diyalektanê Zazaki yo ca dı u bı varyantanê inan bıvino. Ma hivi keni faydeyê ına xebat bıreso wendoğ u xebatoğanê Zazaki.
